Кога станува збор за иновации во автомобилската индустрија, Tesla е во првите редови во последно време.
Во 2019 година, американскиот производител на електрични возиила наводно започнал да работи на идејата за чистење на шофершајбната со ласерски зраци. Две години подоцна, патентот на Tesla Motors за ласерски бришачи беше заштитен во канцеларијата за патенти во САД, пишува The Driven.
Официјално се нарекува „Импулсно ласерско чистење на остатоци акумулирани на стаклени предмети во возилата и фотоволтаични склопови“, а се шпекулира дека оваа технологија би можела да дебитира на моделот Tesla Cybertruck. Причината е што прототипот на ова возило претставен во ноември 2019 година немаше бришачи на шофершајбната.
Покрај тоа, компанијата наводно развила електромагнетни бришачи.
Се подразбира дека електромагнетните бришачи би биле полесна и пореална опција за развој и производство, па наскоро може да ги видиме на некои возила на Tesla.