Принцезата Дијана беше една од најпознатите личности на 90-тите години од минатиот век, а сега нејзиниот автомобил оди на аукција.
Иако максимално ја чуваше својата приватност, Дијана постојано беше во фокусот на медиумите и папараците, важеше за една од најфотографираните личности во светот. Беше позната и по нејзината љубов кон автомобилите.
Еден од нејзините први автомобили беше Ford Escort произведен во 1981 година, го доби како подарок за свршувачката од принцот Чарлс, два месеци пред венчавката.
Автомобилот принцезата го користеше до август, 1982 година за лични потреби, а воедно тоа и беше најсреќниот период од нејзиниот брак со принцот од Велс.
Потоа автомобилот исчезна, а сега повторно се појави и ќе биде ставен на продажба на аукција на 29 јуни. Се наоѓа во оригинална состојба со фабричката боја, а минал нешто над 133.000 километри. Ќе биде продаден со оригиналните регистарски ознаки WEV 297W.
Се проценува дека ќе биде продаден по цена меѓу 30.000 и 40.000 фунти.