Холандија го доби најефикасниот енергетски автопат, обложен со асфалт кој го намалува отпорот на гумите, со што возачите заштедуваат гориво.
Станува збор за обновена делница од автопатот помеѓу градовите Делфт и Зутемер кој има свое, одржливо снабдување со енергија.
Струјата за осветлување на патот, како и за семафорите, се генерира од 220 соларни панели кои се вградени во заштитните панели против бучава.
За да може да се користи локално генерирана електрична енергија во текот на ноќта, покрај патот е поставена голема батерија, која ја складира сончевата енергија преку ден.
Осветлувањето покрај патот е направено и поодржливо со повеќе енергетски ефикасни LED светла, кои можат да се затемнат кога патот е помалку прометен.
Подлогата е изработена од асфалт кој го намалува отпорот при триење на автомобилските гуми, така што возачите трошат помалку гориво на таа делница од патот долга 17 километри.
Семафорите на патот имаат вградени сензори, па протокот на сообраќај е порамномерен, без чести запирања и забрзувања. Ова се проценува дека го намалува сообраќајниот метеж и количината на испуштени штетни гасови кои предизвикуваат ефект на стаклена градина.