Системот на Tesla го зазеде само шестото место од десетте тестирани технологии за самоуправување на последниот тест на организацијата EuroNCAP.
Автопилотот на Tesla зазеде послаба позиција од очекуваното меѓу 10-те тестирани модели, пред сѐ поради неговата мала способност да го задржи возачот поангажиран и пофокусиран на возењето.
Овој систем во возилото Tesla Model 3 забележа резултат од само 36 поени во проценката на неговата способност да го задржи фокусот на возачот на патот, додека доби висок резултат (95 поени - најмногу од сите) за перформанси и способност за реакција во итни ситуации.
Model 3 собра вкупно 131 поен на тестот и доби оцена 2, додека најдобропласираниот Mercedes GLE имаше 174 поени и оцена 4, или „многу добар“, за своите системи за помош на возачот.
Патем, повеќето од тестираните модели добија 60 или повеќе поени во областа фокусираност на возачот на патот, што утврди дека Model 3 на Tesla се претстави послабо во рангирањето на EuroNCAP.
Покрај Mercedes GLE, вкупно највисоки поени имаа BMW Series 3 (172) и Audi Q8 (162) - обајцата со рејтинг од 4.
На четвртото место е Ford Kuga (152) со рејтинг 3, а петти е VW Passat (137) со рејтинг 2.
Зад Tesla се најдоа Nissan Juke (124), Volvo V60 (120), Reno Clio (105) и Peugeot 2008 (101).
Во оваа пригода, EuroNCAP предупреди дека многу сопственици на возила се во заблуда дека со купувањето автомобил со современ систем за асистенија при возењето всушност купуваат „самовозечко“ возило.
За ова придонесуваат и несоодветните комерцијални имиња што компаниите им ги ставаат на нивните системи, како на пример Autopilot, ProPilot или CoPilot.
