Германските фудбалери позираа со рацете на уста пред првиот меч на Светското првенство, поразот од Јапонија со 2:1. Така тие протестираа поради непочитувањето на човековите права во Катар, но и поради тоа што не им беше дозволено да „зборуваат“ за тоа. Поточно, затоа што ФИФА под закана со жолт картон и суспензија им забрани да ја носат капитенската лента во виножито боја со натпис One Love (Една љубов).
Капитените на Данска, Англија, Велс, Холандија, Швајцарија, Германија и Белгија сакаа да предупредат дека хомосексуалноста е забранета и казнива со смрт во Катар.
Откако беа спречени во тоа, Германците го изведоа симболичниот гест.
Еден Азар, капитен на Белгија и со тоа еден од оние на кои му е забрането да ја носи лентата со порака, не се пожали на тоа, туку го прокоментира потегот на Германците:
„Во ред, се замолчија, но на крајот загубија. Подобро ќе беше да не го направеа тоа и да победеа. Тука сме да играме фудбал, а не да испраќаме политички пораки. Другите луѓе се подобри во тоа. Сакаме да бидеме фокусирани на фудбалот“, изјави Азар и накратко ја прокоментира забраната која му е изречена:
„Непријатно ми е да зборувам за тоа. Тука сум да играм фудбал. Не сакав да ги започнувам натпреварите на Светското првенство. со жолт картон поради носењето на таа лента, тоа би било иритирачко“.