Баку ќе користи турски ловци F-16 во случај на странска агресија врз Азербејџан, изјави азербејџанскиот претседател Илхам Алиев.
Тој додаде дека на секое интервју новинарите го прашуваат од каде му се на Азербејџан турски F-16.
„Уморен сум од одговарање. Имате сателити, како да не знаете што правиме? Отворете и видете дали F-16 сега се во воздух или на земја. Сите знаат дека се на земја и дојдоа тука на воени вежби, но изби војната и останаа тука“, објасни Алиев.
Според него, ловците се помош од Турција, а тие ги имаат на готовс на располагање.
„Ако биде извршена странска агресија врз нас, тие ќе ги видат овие F-16“, нагласи Алијев.
Тој додаде дека што се однесува до прашањето за Карабах, Баку ќе оди до крај.
„Нашата позиција останува непроменета. Ние ја браниме правдата... ќе одиме до крајот по ова прашање“, заклучи Алиев во обраќањето пред народот.
За потсетување, Ереван инсистира дека кон крајот на септември негов Su-25 соборил F-16 на турските воздухопловни сили.
Азербејџан објави своја верзија за тоа како се соборени ловците Su-25. Според Баку, два Su-25 се срушиле откако удриле во планина.
Според некои фотографии објавени во странските медиуми и на социјалните мрежи, турски авиони F-16 може да се видат во Азербејџан, но тоа не докажува дека еден од овие авиони го соборил Su-25 на ерменските воздухопловни сили.
Борбите во Нагорно-Карабах почнаа на 27 септември. Баку и Ереван се обвинуваат едни со други за избувнувањето на конфликтот. Во Ерменија е прогласена воена состојба и општа мобилизација. Во Азербејџан е воведен полициски час и делумна мобилизација.