Живееме во чудно време кое никој од нас не можел ни да го претпостави. Неизвесноста околу пандемијата со коронавирусот подеднакво нѐ засега сите нас.
Во вакви времиња важно е да останеме човечни, солидарни, позитивни и креативни. И младешката енергија и старечката мудрост имаат подеднаква важност во создавањето на поубав свет.
А колку е важна мудроста на постарите, поискусните, покажува позитивната кампања на Домот за стари лица Феникс во која корисниците ги споделуваат нивните совети и пораки до младите.
Хит на социјалните мрежи е пораката на баба Ружа, која на девојките им порача: Не ти треба дечко за да патуваш!
Со ваков позитивен став на 90 години таа покажа дека и во најнеизвесните времиња треба да се задржи добрата мисла и вербата во подобро утре, дека и ова ќе заврши и дека треба да се грижиме за себе, нашиот дух и ментално здравје, нашата вредност.
Погледнете какви пораки споделија другите корисници на Домот за стари лица Феникс: