Третото продолжение на „Bad Boys“ се најде на врвот на бокс-офисот изминатиот викенд, со заработка од 68,1 милиони долари во Северна Америка и 38,6 милиони во светот, со вкупна заработка од 106,7 милиони долари. Главните улоги ги толкуваат Вил Смит и Мартин Лоренс како двајца детективи во Мајами.
„Bad Boys for Life“, со буџет од 90 милиони долари, ги надмина очекувањата од 50 милиони долари за премиерното прикажување, но тоа и не е големо изненадување. Филмот доби солидни критики по прикажувањето од двете претходни продолженија во 1995 година и во 2003 година, со заработка од 400 милиони долари во светски рамки.
На второто место се најде „Dolittle“ со Роберт Дауни Џуниор како доктор кој зборува со животни. Филмот заработи 30 милиони долари во премиерното прикажување во Северна Америка 27,3 милиони на други територии. Филмот е со буџет од 175 милион долари.
На третото место е воената драма „1917“ со заработка од 22,1 милион долари.
Вака изгледа листата со филмови кои најмногу заработија во текот на изминатиот викенд во САД и Канада:
1. Bad Boys for Life – 68,1 милиони долари
2. Dolittle – 30
3. 1917 – 22,1
4. Jumanji: The Next Level – 9,7
5. Star Wars: Episode IX – The Rise of Skywalker – 8,4
6. Just Mercy – 6
7. Little Women – 5,9
8. Knives Out – 4,3
9. Like a Boss – 3,8
10. Frozen II – 3,7 милиони долари.