Минхенски Баерн доживеа тежок пораз во 7. коло од Лигата на шампионите на гостувањето кај Фејнорд губејќи со убедливи 3:0, а немаше да биде толку чудно доколку Баварците не доминираа во текот на целиот натпревар и не пропуштија голем број одлични шанси.
Статистиката открива дека Баерн упатил дури 30 удари кон голот на Холанѓаните, наспроти осумте на Фејнорд. Едноставно неверојатно е што пропуштија фудбалерите на Баерн, а Фејнорд практично три пати мина низ центарот и постигна три гола.
Мексиканецот Сантјаго Хименес постигна два гола за домашната екипа во првото полувреме, а Јапонецот Уеда додаде еден во судиското надополнување.
Баерн имаше дури 67% посед на топка, но попусто. Не им помогнаа ниту 13-те корнери наспроти едниот на домаќините. Баерн заврши со неверојатни 683 додавања, а Фејнорд со само 130.
Голманот на Феенорд забележа дури 7 одбрани, а Нојер немаше ниту една.
Но, во она најважното, головите, Баерн не постигна ниту еден, а великанот од Ротердам дури 3.
Како и да е, двете екипи обезбедија пласман во плеј-офот, но Баварците долго ќе го паметат овој неверојатен пораз.
