Како што пренесува Bild, Баерн Минхен сака во своите редови да го доведе тренерот Оливер Гласнер од Кристал Палас, но англискиот клуб за австрискиот стручњак одреди неверојатни 100 милиони евра обештетување.
Чаби Алонсо, Јулијан Нагелсман, Ралф Рангник и Ханси Флик се меѓу бројните имиња кои се поврзуваа со преселба на Алијанц Арената како можни наследници на Томас Тухел, но Баерн не успеа да ја заврши зделката.
Сепак, откако Рангник го одби предлогот на Баерн, се појави оптимизам дека Баварците конечно ќе најдат тренер.
Шефовите на клубот Ули Хоенес, Карл-Хајнц Румениге и Макс Еберл разговарале со неодамна назначениот тренер на Кристал Палас, Оливер Гласнер, кој изразил желба да го преземе Баерн, но англискиот клуб бара отштета од 100 милиони евра за австрискиот тренер.
49-годишниот го предводеше Ајнтрахт Франкфурт до титулата во Лига Европа, а претходно работеше во ВфЛ Волфсбург.
Bild тврди дека Баерн е подготвен да плати 18 милиони евра отштета за Гласнер, а останува да се види дали Кристал Палас ќе ги намали барањата и ќе го пушти тренерот кој го презеде во февруари годинава.
