Во финалето на фудбалскиот Куп на Германија, Баерн синоќа во Берлин го совлада Баер Леверкузен со 4:2.
За Баварците ова е 20-ти трофеј од националниот куп што е рекорд во германскиот фудбал.
Најблиску до Баерн е Вердер со шест трофеи.
Баерн трофејот од купот го додаде на шампионската титула од Бундеслигата. Ова е 13-та „дупла круна“ за Баерн.
Вечерта беше повод за двојна прослава за легендарниот Роберт Левандовски.
Тој на натпреварот сензационално го постигна јубилејниот 50-ти гол во сезоната, а набрзо потоа и 51. Сезонава во Бундеслигата тој заби 34 гола, 11 во Лигата на шампиони и 5 во Купот.
