Минхенски Баерн со 2:1 го совлада Ајнтрахт и се избори за финале против тимот на Баер Леверкузен.
Уште во 14. минута Иван Перишиќ најави дека Ајнтрахт нема што да бара во Минхен тресејќи ја гостинска мрежа по асистенција на Томас Милер.
„Баварците“ ја одржуваа предноста и имаа целосна доминација, но не успеаја да постигнат втор гол во првите 45 минути. По паузата, гостите од Франкфурт заиграа подобро, но за израмнување чекаа прво во 66. минута во игра да влезат Дани да Коста и Даичи Камада. Токму Анголецот и Јапонецот го постигнаа голот за 1:1, враќајќи ја надежта на Ајнтрахт за финале.
Нивниот сон го урна, кој друг ако не, Робет Левандовски со голот во 74. минута, гол кој се покажа решавачки.
Баерн во финалето ќе се сретне со Баер од Леверкузен кој завчера лесно го елиминираше четвртолигашот Сарбрикен. Куп финалето ќе се одигра на 4 јули на „Олимпијаштадион“ во Берлин.
Најтрофеен во ДФБ купот е токму Баерн со 19 титули од 23 финалиња. „Баварците“ триумфираа и лани. За тимот од Леверкузен ова финале ќе биде само четврто, а имаат еден трофеј од 1993 година.
