Германскиот фудбалски гигант Баерн Минхен сака да го донесе Диего Симеоне како замена за Карло Анчелоти, кој минатата недела ја напушти функцијата тренер на тимот.
Карло Анчелоти беше отпуштен минатата недела, а како главен кандидат за негов наследник се смета Диего Симеоне, за кого германските медиуми велат дека има огромен интерес од раководството на Баерн Минхен.
Шпанските медиуми го потврдуваат интересот на Баерн Минхен за тренерот на Атлетико Мадрид, додавајќи дека доколку „баварците“ не успеат да ги обезбедат услугите на Симеоне, ќе тргнат по Јирген Клоп, кој во моментов го води тимот на Ливерпул.
Сепак, интересот за Диего Симеоне е голем и Баерн Минхен ќе мора да даде голема понуда доколку сака да го обезбеди неговиот потпис.
Покрај Баерн Минхен, за Симеоне се заинтересирани и Реал Мадрид, Челзи и Арсенал.