Претседателот на САД Џо Бајден зборуваше за средбата со рускиот претседател Владимир Путин и рече дека во моментот Русија изгледа многу послаба отколку што е претставена во јавноста.
Во пресрет на состанокот со Владимир Путин во Женева, закажан за 16 јуни, американскиот претседател зборуваше за низа проблеми во односите меѓу двете сили.
На прашањето како е можно Путин да управува со Русија без проблеми од 1999 година и дека по толку години неговата политика не е променета, Бајден истакна дека има едноставен одговор на тоа.
„Тој е Владимир Путин. Автократите имаат огромна моќ и не мора да ѝ даваат отчет на јавноста за сè што прават“, рече Бајден.
Бајден се осврна и на моменталната состојба во Русија и зборуваше особено за економската состојба. Американскиот претседател истакна дека руската економија е 13 пати помала од САД, што ја прави послаба отколку што се чини.
„Русија има свои проблеми. Таа се занимава со својата економија, како и со пандемијата на коронавирус. Не се занимава само со САД и Европа, туку и со Блискиот Исток. Русија е вклучена во некои активности за кои веруваме дека се спротивни на меѓународните норми“, рече американскиот претседател.
Бајден на крајот од прес-конференцијата зборуваше и за актуелните проблеми меѓу двете земји поврзани со сајбер напади врз американски компании. Американскиот претседател повтори дека го повикал Путин уште пред изборите и му рекол дека ќе провери дали Путин е вмешан во сајбер напади.
„Имав пристап до безбедносни податоци и проверив сè. Путин бил вмешан во тие активности“, рече Џо Бајден.
