Новоизбраниот претседател на САД, Џо Бајден, го доби својот нов официјален претседателски профил на Twitter, но беше принуден да го активира со нула следбеници.
Кампањата на Бајден е незадоволна од тој потег, што означува промена од претходниот трансфер на власта од Барак Обама на Доналд Трамп, јави BBC.
Новиот налог @PresElectBiden, ќе се трансформира во официјална @POTUS (претседател на САД) на денот на инаугурацијата на 20 јануари.
Во првите шест часа онлајн, тој доби скоро 400.000 следбеници.
Доналд Трамп наследи околу 13 милиони следбеници на сметката @POTUS кога го презеде од Обама, но тоа нема да се случи овој пат.
Обама беше првиот американски лидер кој имаше официјален профил на Twitter. Налогот @POTUS беше отворен за време на неговиот мандат во 2015 година.
