Во првите седум дена од април, земјите од Балканскиот Полуостров и од Источна Европа предничат на Стариот континент според смртноста како последица од вирусот.
Ако Бразил со смртна стапка од 13 луѓе на милион жители важеше за лош случај на глобално ниво, шест европски држави, сите далеку помали, го надминаа тој просек.
Од 1 до 7 април најлоша е ситуацијата во Унгарија каде стапката на смртност е 24,73, а веднаш зад неа е Босна и Херцеговина со 23,21.
На третото место сме токму ние, Северна Македонија со просек од 20,02 смртни случаи на 1 милион жители. Потоа следува Бугарија со 17,21.
Повисока смртност од Бразил имаат уште и Словачка со 13,71 и Црна Гора со 13,65.
Понатаму листата продолжува со земји од Источна Европа и тоа Чешка (12,11), Молдавија (10,91), Полска (10,03), Украина (8,89), Естонија (7,97) и Романија (7,06).
Првата земја од Западна Европа која следува на листата е Италија со 7,15 просек, а потоа повторно продолжуваат балканските држави Грција, Хрватска, Косово и Србија.
Најниска стапка на смртност во последните седум дена, и тоа под 5 на милион жители, има во Финска, Обединетото Кралство, Данска и Норвешка, а на Исланд не е забележан ниту еден смртен случај поврзан со вирусот. Во Исланд, всушност, не е забележан смртен случај уште од 31 декември.