Златан Ибрахимовиќ синоќа беше претставен како гостин на фестивалот Санремо.
Се очекува утре фудбалерот на Милан на сцената на познатиот италијански фестивал за забавни мелодии да изведе песна со тренерот на Болоња, Синиша Михајловиќ.
Италијанците на сцената го пречекаа Ибра со култната турбофолк песна „Јутро је“ на Нада Топчагиќ.
Швеѓанецот со балкански корени претходно имаше објавено видео на Instagram како се забавува токму на оваа песна за време на карантинот.
Швеѓанецот по пристигнувањето на фестивалот одржа прес-конференција, каде зборуваше на бројни теми, а исто така рече дека нема ништо против напаѓачот на Интер, Ромелу Лукаку, да дојде на фестивалот.
Иако неодамна се судрија на теренот во рамки на Купот на Италија, напаѓачот на Милан вели дека сè што се случува на теренот останува таму.
„Ако сака да дојде, тој е добредојден. Што се случува на теренот, останува на теренот, немам никаков проблем со него“, рече Ибрахимовиќ, коментирајќи го настапот што го чека:
„Се надевам дека и Синиша не знае да пее, така што ќе бидеме на исто ниво.“
