Земјотрес со јачина од 3,8 степени според Рихтеровата скала рано утринава го погоди градот Бања Лука во Босна и Херцеговина.
Според Европско-медитеранскиот сеизмолошки центар (ЕМСЦ), земјотресот е регистриран утрово во 7 часот и 33 минути.
На Twitter профилот на ЕМСЦ се наведува дека епицентарот бил на околу 20 километри северозападно од центарот на Бања Лука.
Не е познато дали земјотресот предизвикал материјална штета, а според коментарите на Твитер страницата на ЕМСА, тресењето се почувствувало само неколку секунди.
За потсетување, синоќа рано утрината земјотрес имаше и во соседна Албанија и со јачина од 4,7 степени според Рихтеровата скала и епицентар 95 километри од градот Елбасан.
