Кокошки во школска фарма во северозападна Франција „се организирале“ и убиле лисица што влегла во нивниот кокошарник.
Невообичаениот инцидент се случил откако младата лисица влегла во кокошарникот со 3.000 кокошки што има автоматска врата што се затворила веднаш откако влегла внатре.
„Им се разбудил инстинктот на јато и заедништво и ја нападнале, клукајќи ја со клуновите“, рече Паскал Даниел, раководител на одделението за живинарство во земјоделското училиште Gros-Chêne.
Мртвото тело на малата лисица било најдено во ќош наредниот ден.
„Животното починало од фатални удари со клун по вратот и главата“, рече Даниел.
Во фармата има околу 6.000 кокошки што се чуваат во објект со површина од околу 2 хектари.
Кокошарникот е отворен во текот на денот за да може кокошките да бидат надвор додека е ден.
Кога се затворила автоматската врата, младата лисица, што се проценува дека имала околу пет или шест месеци, останала заробена внатре.
„Лисицата сигурно испаничила кога кокошките ѝ се насобрале во голем број. Овие птици може да бидат многу опасни кога се во толпа и формираат банда“, објаснува Даниел.
