Нашиот репрезентативец асистираше при првиот гол на неговиот тим кој конечно ја прекина лошата низа од 4 порази по ред.
Енис Барди првпат по повредата се најде во почетниот состав на Леванте, на денешниот дуел дома против Леганес.
Во 20-тата минута Барди одлично го пронајде Рубен Рочина во гостинскиот шестнаесетик кој од прва без размислување шутираше во противничката мрежа.
Осум минути подоцна Марти Рожер постигна прекрасен гол со волеј за 2:0, што на крајот се покажа како конечен резултат.
За македонскиот репрезентативец ова беше втора асистенција сезонава, а има и два гола.