Играчот од средниот ред на Интер смета дека неговиот тим синоќа одиграл ризично откако наместо да зголеми на 3:0 прими гол за 2:1.
Тимот на Интер на вчерашниот натпревар против Сампдорија почна фуриозно. Поништен гол поради офсајд, два гола во мрежата на гостите, неколку шанси и целосна контрола во првиот дел. Но, по паузата играта на Интер драстично падна, не искористи неколку шанси да ја обезбеди победата, а потоа дозволи гостите да намалат на 2:1 и да ја вратат неизвесноста.
„Мораше да се обидеме порано да ја завериме победата, вакви натпревари да се остават отворени до самиот крај е вистински ризик. Сепак, добро се заврши и задоволни сме од резултатот“, изјави Николо Барела веднаш по натпреварот.
Поради повредата на Марцело Брозвиќ, Барела синоќа играше во средниот ред заедно со Роберто Гаљардини. Нивната задача беше да бидат потпора за Кристијан Ериксен кој ја имаше улогата на треквартиста.
„Добро се снајдов. Веќе некое време го пробуваме оној начин на игра за да може Кристијан да има повеќе простор. Јас и Брозовиќ секогаш пробуваме да му помогнеме и да му додаваме повеќе. Тренерот секогаш ни вели дека мораше да бидеме понемилосрдни пред противничкиот гол. Тоа мораме да го правиме сите и да имаме повеќе самодоверба за порано да ги заверуваме победите“, заврши тој.