УЕФА ЛИГА НА ШАМПИОНИ 2019/20

Барса - Баерн е најатрактивната средба во ЛШ

Барселона и Баерн се пласираа помеѓу осумте најдобри екипи во фудбалската Лига на шампиони по вечерашните победи над Наполи, односно Челси.

На „Камп Ноу“ каталонскиот клуб беше поуспешен од Наполи и заслужено славеше со 3:1 за вкупни 4:2 во меѓусебните две пресметки. Головите за Барселона ги постигнаа Клемен Ленгле, Лионел Меси и Луис Суарес од пенал, додека за Наполи погоди Лоренцо Инсиње од белата точка. Сите голови беа постигнати во првото полувреме.

Македонскиот репрезентативец во дресот на Наполи, Елиф Елмас, ги одиграа последните петнаесетина минути од средбата.

Баерн по убедливата победа од 3:0 на првата средба во Лондон, во Минхен забележа уште една висока победа. Баварците славеа со 4:1 со головите на Роберт Левандовски од пенал (10. и 84. минута), Иван Перишиќ (24) и Корентен Толисо (76). Голот за Челси го даде Тами Абрахам во 44. минута.

Двојки за четвртфиналето:

Манчестер Сити - Лион

Лајпциг - Атлетико

Аталанта - ПСЖ

Барселона - Баерн

Сетјен: Ќе биде многу тешко против Баерн

Тренерот на Барселона, Кике Сетјен беше задоволен од победата од 3:1 над Наполи, која ги квалификуваше Каталонците за четвртфиналето од Лигата на шампионите.

Таму противник ќе биде Баерн, а големиот натпревар ќе се одигра на 14 август во Лисабон.

„Ние го направивме првиот чекор кон целта. Наполи нè испоти доста на почетокот на натпреварот. Италијанците имаат добар тим кој се брани со многу агресија и посветеност. Ако тие дадоа гол на почетокот, тоа ќе им дадеше многу самодоверба, па нашата главна задача беше да се браниме добро. Сепак, понекогаш покажувавме нервоза. Ние го направивме првиот чекор и се надевам дека ќе продолжиме во ист дух и на следните натпревари. Игравме добро и заслужено победивме. Тимовите кои остануваат на турнирот се многу опасни и ќе имаме тешки судири. Ќе биде многу тешко против Баерн. Тие се одличен тим. но, такви сме и ние“, рече Сетјен по натпреварот.

Флик: Баерн ќе ја покаже својата сила против Барса

Тренерот на Баерн, Ханси Флик, ѝ се закани на Барселона пред четвртфиналниот судир на Лигата на шампионите меѓу двете екипи.

„Јас сум многу среќен. Сакавме да победиме и да продолжиме таму каде што застанавме. Го сторивме токму тоа. Ние ќе се подготвиме за Барселона како и секој друг противник. Сакам да ја покажеме нашата сила повторно, да дадеме 100%, да бидеме фокусирани и да ја покажеме нашата вистинска класа. Ние нема да се фокусираме само на Меси, мора да се подготвиме за секој од нивните играчи, изјави Флик.

Суарес за дербито со Баерн: Шансите се 50/50

Барселона против Баерн се чини дека е најатрактивниот судир во четвртфиналето од Лигата на шампионите и навивачите веќе тријат раце во исчекување.

Натпреварот ќе се одигра на 14 август во Лисабон, а победникот ќе биде одреден по само еден натпревар.

Напаѓачот на Барса, Луис Суарес, смета дека шансите за поминување во следната фаза на натпреварувањето се изедначени за двата тима.

„Баерн е многу силен тим и секако е противкандидат за трофејот. Ќе видиме… Секој има свои шанси во натпревар на директна елиминација. Шансите се 50/50“, посочува Уругваецот.

Победникот од битката ќе се сретне во полуфиналето со подобриот од дуелот помеѓу Манчестер Сити и Лион.

реклама

Нагорно-Карабах: Не е важно кој прв почна, туку кој стои зад војната

Read more

Џинови во реалниот свет за кои тешко ќе верувате дека навистина постојат

Read more

Неверојатни факти за животот во Шведска

Read more

Моќни илустрации ги покажуваат разликите меѓу Истокот и Западот

Read more

Фудбал

Арсенал не успеа да ги казни грешките на Ливерпул

Read more

Кепа не го одигра последниот натпревар за Челси, тврди Лампард

Read more

Во Струмица ќе никне најмодерниот терен со вештачка трева

Read more

Времеплов: Пред 3 години Вардар го постигна првиот гол во Лига Европа

Read more

Спорт

Док Риверс повеќе не е тренер на Клиперс

Читај повеќе
  • play_arrow

Арсенал не успеа да ги казни грешките на Ливерпул

Читај повеќе

Кепа не го одигра последниот натпревар за Челси, тврди Лампард

Читај повеќе

Во Струмица ќе никне најмодерниот терен со вештачка трева

Читај повеќе
  • play_arrow

Времеплов: Пред 3 години Вардар го постигна првиот гол во Лига Европа

Читај повеќе

Крауч е инпресиониран: Тијаго може да игра и по влечки

Читај повеќе

Роналдо: Серија А сега е потешка, со Пирло сме задоволни

Читај повеќе

Варди за голот со пета: На ударот му дадов шмек а ла Кројф

Читај повеќе
  • play_arrow

Десет клупски легенди кои шокантно се вратиле „дома“

Читај повеќе