Финансиската слика на Барселона никогаш не била полоша. Клубот должи вкупно 1,35 милијарди евра, а само минатата сезона го зголеми долгот за 481 милион евра.
Тимот на Барселона не делува толку моќно како порано, а претседателот Жоан Лапорта се обидува да ги поврзе работите за да ја направи Барселона посилна во наредните сезони.
Mundo Deportivo пишува дека Барселона следното лето ќе се обиде да донесе пет играчи, бесплатно. Каталонскиот клуб е насочен кон играчи чиј договор истекува на крајот на сезоната.
Голманот Андре Онана (25) од Ајакс е прв на листата и според Transfermarkt вреди 17 милиони евра. Барселона би презела двајца играчи од Челзи. Тоа се бранителите Цезар Аспиликуета (32) и Антонио Рудигер (28). Шпанецот вреди 13 милиони евра, а Германецот 35 милиони.
Барселона ќе ја засили конкуренцијата во средниот ред со доаѓањето на Пол Погба (28) од Манчестер Јунајтед и Франк Кеси од Милан (24). Според Transfermarkt, цената на Погба е 60 милиони евра, а на Кеси 55.
Сите наведени играчи сѐ уште не ги продолжиле договорите со своите клубови и Барселона чека шанса. Серхио Агуеро, Мемфис Депај и Ерик Гарсија пристигнаа во Барселона на ист начин во пресрет на оваа сезона.