Барселона објави како би требало да изгледа новиот проект за Ноу Камп, вреден милијарда и пол евра.
Ќе биде изграден и нов хотел во близина на стадионот, нова сала за останатите спортови и концерти, нов паркинг за автобуси. Стадионот ќе собира и повеќе публика.
„Најдобриот клуб во светот го заслужува најдоброто. Сите клубови започнаа со реконструкција на стадионите, нашиот ќе биде најдобар“, стои во пораката на Барса.
Каталонскиот клум минатата сезона ја заврши со минус од 451 милион евра, што вкупниот минус на клубот го зголеми на 1.35 милијарди евра. иако е клубот во огромен минус, најавени се големи инвестиции кои долгорочно би требало да донесат заработка за Барселона. Клубот бара одобрение за кредит од милијарда и пол евра за изградба на нов спортско-рекреативен комплекс.
Барселона со години планира да изгради комплекс и целосно да го реконструира Камп Ноу. Иницијалниот проект чинеше 600 милиони евра и требаше да биде завршен годинава, но во меѓувреме трошоците се зголемија на милијарда и пол.
