Барселона го продолжи перфектниот старт во Примера со фантастичната победа од 5:1 на гостувањето кај Виљареал минатата недела, а по шест кола има максимални 18 бода.
Првиот голман на Барселона Марк-Андре тер Штеген се повреди при интервенција на крајот од првото полувреме и беше изнесен од теренот на носилки. Станува збор за сериозна повреда на коленото, односно кинење на пателарната тетива. Се предвидува дека нема да може да брани осум месеци, што значи дека неговата сезона е завршена.
Фабрицио Романо пишува дека Барселона е во потрага по нов голман, кој би го донеле бесплатно.
Нејзина цел е Војчех Шченсни (34), кој неодамна ја заврши кариерата. Полјакот бранеше за Јувентус од 2017 до 2024 година, но летово реши да престане да игра професионален фудбал. Сепак, Барселона би сакала да ја прекине неговата пензија и да го вработи како прв голман до закрепнувањето на Тер Штеген.
Шченсни во својата кариера бранеше за Арсенал, Брентфорд, Рома и Јувентус, а за полската репрезентација има 84 настапи.
