Барселона испадна од Рома откако во првиот натпревар од четвртфиналето на ЛШ италијанскиот клуп победи со убедливи 4:1. Тоа беше најновото во низата големи разочарувања од Барса во Лигата на шампиони во изминативе години.
А потфрлањето на Барселона значи дека не се истакнал оној кој го „влече“ тимот, играчот на кој често се „шверца“ клубот и од кој честопати е многу зависна.
Од 2011 година досега, Барселона еднаш ја има освоено ЛШ (2015), а во овие седум сезони Лионел Месиима постигнато само пет гола.
Во пресметката не се земени предвид натпреварите од првата нокаут рунда бидејќи е познато дека таму секоја година поминува барем еден клуб на кој великаните си ја „билдаат“ самодовербата и гол-разликата.
Табелата на стрелци во ЛШ за изминатите седум сезони на натпревари од четвртфиналето натаму изгледа вака:
Ова е прилично фасцинантно. Ѕвездата на Реал Мадрид Кристијано Роналдо има дадено три пати повеќе голови од второпласираниот Левандовски.
Нејмар, најскапиот фудбалер во историјата, е дури на четврта позиција.
Марио Манџукиќ, кој од доаѓањето во Јувентус веќе не е ни напаѓач, постигнал седум голови.
Полош од него е дури и славниот голгетер Меси. Аргентинскиот волшебник во изминатите седум сезони на ЛШ има дадено само пет голови, исто колку и „отпишаниот“ Карим Бензема и стоперот Серхио Рамос.
