Барселона не успеа да слави на тешкото гострување кај Севиља со што му пружа шанса на Реал Мадрид со победа да ја стигне на врвот.
Иако скоро сите познавачи и љубители на шпанскиот фудбал очекуваа голови на дуелот помеѓу Севиља и Барселона, сепак 90-те минути останаа без затресена мрежа.
Барселона, како и обично, имаше контрола и посед, но не успеа да го пронајде патот до мрежата на чешкиот голман Томаш Вацлик кој втора сезона го чува голот на Севиља. Убиствениот напад на гостите со Меси, Суарес и Брејтвејт, а во вториот дел и Гризман, остана без муниција.
Барса сега има 65 бодови од 30 натпревари, три повеќе од второпласираниот Реал кој допрва треба да го одигра својот натпревар од ова тековно коло. Утревечер Кралскиот клуб има тешко гостување во Сан Себастијан кај Реал Сосиедад, каде со евентуална победа бодовно ќе се израмни со Каталонците на врвот.