Борбата за титулата во Шпанија повторно е отворена откако лидерот загуби, а Барселона со гол во последната минута дојде до три бода и се најде на чекор од врвот.
Во саботата лидерот Атлетико загуби на гостувањето кај Севиља со минимални 1:0, со што им отвори шанса на конкурентите Браселона и Реал Мадрид да го стигнат.
Синоќа Барса го играше својот натпревар од ова 29. коло, а едвај со гол постигнат во 90-тата минута успеа да го скрши отпорот на Виљареал. Голот беше дело на Усман Дембеле.
Со таа победа и поразот на мадриѓаните, сега ситуацијата на врвиот е неизвесна бидејќи Атлетико има 66 бода, Барса е втора со 65, додека Реал Мадрид и трет со 63. „Кралевите“ викендов со 2:0 славеа над Еибар.
Веќе наредниов викенд на програмата е дербито Ел Класико кога в сабота од 21 часот Реал Мадрид ќе ја пречека Барса, а наредниот ден Атлетико има уште едно гостување во Севиља, но овој пат кај Бетис.
Ваквиот изглед на табелата е најмногу поради одличната серија на Каталонците кои се во налет со 6 последователни победи во Ла Лига, серија која почна после оние срамни 1:1 дома со Кадис.
Лидерот Атлетико почна да ја губи разликата кога ја прекина победничката серија на почетокот од февруари. Оттогаш на осумте натпревари забележа 4 победи, 4 нерешени и 2 пораза.