Шпанскиот великан Барселона не заврши со трошење на големата сума на пари која ја доби од заминувањето на Нејмар во ПСЖ и веќе размислува за јануарскиот трансфер период.
На Каталонците главна мета и понатаму и останува Филипе Кутињо од Ливерпул, а ако повторно не успеат да ја убедат управата на „Црвените“, тогаш ќе се свртат кон германскиот клуб Баер Леверкузен, каде следат тројца играчи, пренесуваат шпанските медиуми.
Меѓу посакуваните играчи се и двајца млади репрезентативци на Германија, а посебно интересен е Џонатан Тах, кој е еден од најголемите европски потенцијали меѓу дефанзивните фудбалери и достапен за „само“ 25 милиони евра.
Неговиот сонародник, крилниот фудбалер Жулијан Брандт, веќе неколку време го следат великани како Баерн Минхен, додека 20 – годишниот Леон Бејли е брз крилен напаѓач и најнов доказ дека во Јамајка се наоѓаат најбрзите луѓе во светот.
Тешко дека Барселона ќе ги донесе сите тројца во пакет, но од Леверкузен сигурно се задоволни поради овој интерес кој ќе ја наполни клупската каса.