Барселона и цела североисточна Каталонија се блокирани од многубројните штрајкови и демонстрации организирани во знак на протест поради пресудата на каталонските сепаратисти.
Штрајкот е организиран по повик на синдикатите кои се за независност на Каталонија, а илјадници демонстранти пристигнаа во Барселона каде вечерва на масовен протест ќе побараат ослободување на затворените каталонски сепаратисти, пренесува AP.
Шпанските власти соопштија дека се откажани 57 летови, а учесниците на протестот утринава ја затворија границата со Франција и уште најмалку 25 сообраќајници, блокирани се и главните улици.
Во Барселона ќе се соберат повеќе стотици илјади поддржувачи на независноста на Каталонија. Главните патишта се блокирани, а главните улици во Барселона се затворени. Аеродромот во градот откажа околу 150 летови неделава, откако илјадници демонстранти поставија барикади.
Ел Класико е одложен, фудбалскиот меч меѓу Барселона и Реал Мадрид требаше да се игра на 26 октомври на Ноу Камп.