Фудбалскиот клуб Барселона негира дека направила каков било договор со напаѓачот на Атлетико Мадрид, Антоан Гризман.
Гризман има договор со Атлетико до 2022 година, а шпанскиот весник „Спорт“ објави дека упрвата на Барселона постигнала договор со Французинот.
Барселона наведе дека има забелешки на објавите во медиумите и повтори дека има големо почитување за клубот Атлетико Мадрид.
Според медиумските шпекулации, Барселона му го дала дресот со број 14 на новиот играч Филипе Кутињо за да се ослободи „седумката“ за Гризман.
Управата на Атлетико Мадрид во декември ја пријави Барселона во ФИФА поради недозволен контакт со Гризман, за кого е заинтересиран и Манчестер Јунајтед.
Челниците на мадридскиот клуб тогаш тврдеа дека претставници на Барселона разговарале со најблиските соработници на Гризман, вклучувајќи и членови на семејството и дека тоа е кршење на правилата на ФИФА која во декември потврди дека добила жалба од Атлетико Мадрид.