Роналд Куман повеќе не е тренер на Барселона, потврди каталонскиот клуб.
Челниците на Барселона вчера вечерта одржаа итен состанок и донесоа одлука да му дадат отказ на холандскиот тренер, по серијата лоши резултати кои ги имаше во последно време.
Иако претседателот на клубот Жоан Лапорта и пред Ел Класико изјави дека Барселона ќе го задржи Куман, без разлика на резултатите во дербито, очигледно најновиот пораз не можел да биде занемарен.
Капката што ја прели чашата беше вчерашниот пораз од Рајо Ваљекано, со резултат од 1 : 0.
Барселона минатиот викенд изгуби од Реал Мадрид на својот стадион со 2 : 1, а Каталонците по 10 одиграни натпревари се деветти на табелата со 15 бода.
Куман дојде во Барселона во август, 2020 година. екипата ја водеше на 67 натпревари на кои забележа 40 победи, 11 реми натпревари и 16 порази.
