На финансиските проблеми на Барселона не им се гледа крајот.
За потсетување, каталонскиот гигант сè уште не може да ги регистрира играчите кои ги доведе летово. Според финансискиот фер-плеј на Ла Лига, Барса троши премногу пари за плати и мора да го скрати буџетот за да може Роберт Левандовски, Франк Кесие и Андреас Кристенсен да играат за поранешниот шпански и европски шампион.
Угледниот шпански новинар Жерар Ромеро наведува дека Барселона во тешки моменти се свртела кон двајцата капитени Серхио Бускетс и Жерард Пике. Тој наведува дека клубот побарал од нив да прифатат помали плати за да го намалат притисокот врз клубот по ова прашање.
Најверните играчи на Барселона веќе еднаш прифатија намалување на платите. Тоа беше во периодот на корона, кога клубот го мачеа истите проблеми. Бускетс, Пике, Алба и други прифатија помали плати и со тоа му помогнаа на својот клуб.