После петтото коло од Лигата на шампионите добивме уште еден патник во осминафиналето, а тоа е Барселона, додека во големото дерби меѓу Атлетико и Рома, „Јорганџиите“ славеа со 2:0.
Јуве и Барса ги поделија бодовите со резултат од 0:0, а позадоволни од овој резултат беа Каталонците кои поминаа во осминафиналето.
Во однос на другите натпревари, Челзи го декласираше Карабах, додека ЦСКА пред домашната публика ја совлада Бенфика.
Избраниците на Жозе Мурињо не успеаја во ова коло да си обезбедат сигурен пласман во следната рунда, иако за тоа им беше потребен само бод во Базел.
За до тоа да не дојде се погрижи Ланг во 89 минута за единствениот и победнички гол на тој натпревар.
ЦСКА ја совлада Бенфика во истата група и ги комплицираше работите едно коло до крајот.
Парис Сен Жермен го демолираше Селтик со огромни 7:1, иако гостите први имаа предност. Тоа ги налути домашните играчи за потоа да постигнат 7 гола.
Баерн Минехн го совлада Андерлехт со 2:1, а од порано се знаеше дека францускиот и германскиот клуб се патници во следната рунда.
Спортинг со 3:1 го совлада Олимпијакос, а во оваа група веќе споменавме дека Барселона е сигурен патник во осминафиналето.
