Фудбалскиот гигант објави официјално соопштение со кое ја осудува одлуката на Врховниот суд кој им додели драстични затворски казни на борците за независност на Каталонија.
„Барселона, како еден од водечките ентитети во Каталонија, а во согласност со својата историска значајност, за одбрана на слободата на изразување и правото на одлука, денес, по одлуката за осудување издадена од Врховниот суд во врска со отворените процеси против каталонските цивилни и политички лидери, изјавуваме дека:
Во истиот случај кога превентивното притворање не помогна да се реши конфликтот, така нема ни оваа затворска казна изречена денеска, бидејќи затворот не е решение.
До решение за конфликтот во Каталонија мора да се дојде исклучиво преку политички дијалог.
Покрај тоа, сега повеќе од никогаш, клубот бара сите политички лидери да отпочнат процес на дијалог и преговори за да се реши конфликтот, кој би требало и да донесе ослободување на осудените цивилни и политички лидери.
Барселона исто така дава целосна поддршка и солидарност до семејствата на оние лишени од сопствената слобода.“
Веднаш на поддршката се приклучи и Жерар Пике кој е докажан агитатор за независност на Каталонија. Тој не пропушта прилика да настапи за непризнаената репрезентација на Каталонија за која досега има 10 настапи и на која ѝ е дозволен само еден натпревар годишно.
