Најновата преработна за суперхеројот Бетмен почна да се прикажува во март, а на барање на фановите тимот на Screen Junkies изработи искрен трејлер.
Во главната улога, за прв пат како Брус Вејн, се појавува Роберт Патисон, кој претходно се прослави со улогата на вампирот Едвард Кулен во „The Twilight Saga“, а имаше забележително појавување и како Седрик Дигори во „Harry Potter and the Goblet of Fire“ кога и прв пат се појави на големиот екран.
Во останатите улоги се Зое Кравиц (ќерката на Лени Кравиц), Пол Дано, Џефри Рајт, Џон Туртуро, Питер Сарзгард, Енди Серкис и Колин Фарел.
Режијата е на Мет Ривс кој заедно со Питер Крег го напиша и сценариото.