По осми пат по ред минхенски Баерн стана шампион на Германија откако синоќа славеше минимално на гости кај Вердер.
Со голот на Роберт Левандовски на две минути пред паузата Баерн го отвори резултатот, а до крајот на натпреварот ниту успеа да ја зголеми предноста, ниту пај домаќините успеаја да израмнат.
Вердер имаше неколку добри шанси, но Мануел Нојер едноставно беше несовладлив. Од 79. минута гостите беа и со играч помалку откако Алфонсо Дејвис заработи втор жолт картон, но и покрај играчката предност Вердер едноставно не можеше да ја затресе гостинската мрежа.
На две кола до крајот Баерн има 10 бодови предност пред второпласираниот тим на Борусија Дортмунд која својот натпревар од ова 32. коло го игра вечерва. Но, Баерн математички веќе ја завери титулата, осма по ред, вкупно 30-та, со што е апсолутен рекордер во Германија.
После Баерн најмногу титули има Нирнберг 9, па Борусија со 8, Шалке 7, Хамбургер 6, Штутгарт и Борусија Менхенгладбах по 4, Келн, Локомотиве и Гројтер Фирт по 3, итн.
