Филмот на Disney базиран на истоимениот анимиран класик "Beauty and the Beast" и понатаму ја освојува публиката и во втората недела од прикажување во кината ширум светот.
Заработката од продажба на влезници достигна 88,3 милиони долари и му го обезбеди на филмот првото место на боксофисот.
На второто место е филмот "Power Rangers" кој заработи 40,5 милиони долари во првиот викенд по премиерата.
Филмот го гледале претежно мажи (60%), а публиката на "Beauty and the Beast" главно била женска.
Комедијата "CHIPS" ја заврши првата недела на седмото место со заработени 7,6 милиони долари.
Филмот не ги импресионираше ни критичарите, ни публиката.
Сценаристот, режисер и актер Дакс Шепард го сними филмот базиран на ТВ-серијата “California Highway Patrol” од 70-тите.
Научно-фантастичниот трилер “Life” не успеа да се поврзе со публиката и заврши на четвртото место со заработка од 12, 6 милиони долари, веднаш зад "Kong: Skull Island" со 14,4 милиони долари.
Топ 10 филмови на боксофисот во САД и Канада овој викенд се:
1."Beauty and the Beast", 8,3 милиони долари (119,2 милиони долари во светот)
2."Power Rangers", 40,5 милиони долари (18,7 милиони долари во светот).
3."Kong: Skull Island", 14,4 милиони долари (93 милиони долари во светот).
4."Life", 12,6 милиони долари (16,1 милиони долари во светот).
5."Logan", 10,1 милиони долари (12,1 милиони долари во светот).
6."Get Out", 8,7 милиони долари (2,2 милиони долари во светот).
7."CHIPS", 7,6 милиони долари (1,9 милиони долари во светот).
8."The Shack", 3,8 милиони долари
9."The Lego Batman Movie", 2 милиони долари (1,2 милиони долари во светот).
10."The Belko Experiment", 1,8 милиони долари.