Американски суд ја отфрли и последната тужба на Спенсер Елден против „Нирвана“ поради легендарниот омот на албумот „Nevermind” на гранџ бендот од 1991 година на кој Елден е сликан гол како бебе.
Елден (31) тврдеше дека неговото појавување на омотот е сексуална злоупотреба на дете. Но, судијата рече дека Елден чекал премногу долго за да тврди дека бил експлоатиран.
Тој бараше отштета од 150.000 долари од живите членови на „Нирвана“ – Дејв Грол и Крис Новоселиќ, од вдовицата на поранешниот пејач Курт Кобејн – Кортни Лав, неколку издавачки куќи и од фотографот Кирк Ведл.
„Нирвана“ за омотот искористи фотографија направена од Ведл 1991 година во Пасадена, Калифорнија САД. Од албумот „Nevermind“, продадени се повеќе од 30 милиони примероци.
Елден има снимено верзии на славната фотографија за 10, 17, 20 и 25-годишнината од пуштањето на албумот.
Елден не може повторно да поднесе тужба.