И додека Зоолошката градина Скопје сè уште е затворена за посетители, интересно е тоа што во неа изминативе недели има вистински бејби-бум.
Во зоолошката се роди кенгурче, кое полека почна да излегува од торбата на мама Пикси, каде ќе мине од неколку месеци до година и половина. Ова е најновата вест од скопската зоолошка.
Но, тоа не е сè. Зоолошката на Facebook објави дека е родено и ново пони коњче, со ѕвезден белег.
Принова има и кај гуските, објавено е и видео од мало гибонче како ги вежба првите самостојни чекори, но во снимката се слуша и познатото пеење на гибоните.
Во Зоолошката се родија и преслатки мини прасиња.
Засега се чека одлука кога ќе биде отворена Зоолошката за посетители, па за најновите информации може да дознаеме од официјалниот Facebook профил Skopje ZOO / Зоолошка градина Скопје.