Англиските медиуми на големо шпекулираат дека Гарет Бејл сака да го напушти Тотенхем, а наводно знае и кој е неговиот следен потег.
Велшанецот наводно е незадоволен во Тотенхем и сака да се врати во Реал Мадрид, пренесуваат англиските медиуми.
Бејл е незадоволен од минутажата што ја добива под палката на Жозе Мурињо. Иако беше во стартната постава на сите натпревари во Лига Европа, само трипати играше во Премиер лига, од кои двапати како замена.
И во Реал играше малку, поради несогласувањата со Зинедин Зидан, но кај Мурињо ситуацијата досега не е многу подобра.
Бејл пристигна во Тотенхем на позајмица која истекува налето. Англиските медиуми наведуваат дека Бејл сака најдоцна дотогаш уште еднаш да се обиде кај шпанскиот шампион. За Тотенхем, Бејл би можел да се покаже како многу скапа инвестиција доколку не го искористи подобро, затоа што се проценува дека ќе потроши околу 20 милиони фунти за неговата плата и клаузулите за позајмицата.
