Експлозијата во магацинот во Бејрут одекна низ градот познат по славните гламурозни денови, но и историјата на граѓански војни.
Либанците ја нарекуваат оваа експлозија нивниот „11 септември“.
Штетата предизвикана од катастрофалната експлозија е над 15 милијарди долари, соопшти либанскиот претседател Мишел Аун.
„Прелиминарните проценки за материјалната штета по експлозијата во пристаништето се над 15 милијарди американски долари“, рече претседателот вчера во телефонскиот разговор со шпанскиот крал Фелипе Шести.
Либанските обвинители ќе почнат со сослушување на министрите и поранешните министри за товарот од 2.700 тони амониум нитрат што ја предизвика смртоносната експлозија на 4 август.
Таа трагедија, покрај економската криза засилена од епидемијата на COVID-19, предизвика силен гнев против либанската влада и доведе до оставка на владата.
BBC направи анализа во која ја прикажува анатомијата на експлозијата и како таа одекна низ Бејрут, ставајќи го животот на пауза.
Либанците се жилав народ, но по кризата, пандемијата и сега оваа катастрофа, дали земјата некогаш ќе биде пак иста?