Американскиот бејсбол клуб Кливленд Индианс ги извести своите навивачите дека веќе нема да им биде дозволено да се маскираат во Индијанци поради клупската стратегија за борба против расизмот.
Клубот соопшти дека навивачите кои нема да ја почитуваат новата одлука ризикуваат да бидат исфрлени од стадионот.
„Какви и да е непристојни или навредливи слики, зборови, гардероба или бои на лицето мораат да се покријат или отстранат“, објави клубот на својата официјална веб-страница.
Кливленд на почетокот на идната недела го игра првиот натпревар на домашен терен во новата сезоната во американската МЛБ против тимот на Канзас Сити Ројалс.