Според Daily Mail, славниот Дејвид Бекам потпиша тригодишен договор со EA Sports, вреден повеќе од 48 милиони евра.
Богатството на Бекам е значително зголемено низ годините, поранешниот фудбалер функционира како машина за правење пари. Тој е успешен бизнисмен и има мулти-милионерски договори за рекламирање на различни брендови.
Најновата вест е дека Бекам ќе биде протагонист во видеоиграта FIFA 21 Beckham Edition. На Instagram Бекам откри дека е многу горд што неговиот лик се наоѓа на омотот на видеоиграта, а освен со појавување на насловната на Standard Edition, Бекам ќе се најде и меѓу фудбалските икони во FUT и VOLTA.
Како што посочува Daily Mail, Бекам ќе заработи повеќе од видеоиграта отколку како фудбалер во Манчестер Јунајтед, каде заработуваше околу 112.000 евра неделно, додека неговиот петгодишен договор за Лос Анџелес Галакси во 2007 година беше вреден околу 28 милиони евра.
