Тениската легенда Борис Бекер отслужува казна од две и пол години во затвор во Лондон и тоа во специјално примено одделение, пред да биде распореден во други единици со останатите затворените.
Засега е сам во ќелија, заклучен е во периодот од 20 часот навечер до 7 часот наутро.
Како што пренесува Mirror, Германецот се соочил со првите проблеми, на пријателите им се пожалил на лошата храна во затворската менза.
„Засега му е тешко да се навикне, а најлоша работа е храната. Не може да поверува колку се мали порциите“, откри еден од неговите пријатели.
Но, тоа не се сите маки со кои се соочува Бекер, кој во последните години има и низа здравствени проблеми.
„Исто така е шокиран и од недостигот на хигиена во затворот, кој е преполнет. Условите се мизерни, скоро нечовечки, во ќелиите е студено и едвај има дневна светлина“, вели извор близок до Бекер.
