Фотографот Обан Ван Ши е 19-годишен студент, кој фотографијата од бел елен кој кива ја опиша како „една во милион“.
Обан Ван Ши ја направи оваа фотографија во Бредгејт паркот во Лестешир, додека уживаше во возење на мотоцикл.
Тој го носел својот постар апарат и неколку објективи стари околу дваесет години, кои му ги оставиле родителите.
Како што тој вели, тој најпрво воочил животно за кое помислил дека е „редок“ бел елен.
„Успеав да му се доближам на десет метри, а да не го вознемирам еленот, па потоа сосема случајно направив фотографија од него како кива“, вели Обан за „BBC“.
„Не ни знаев каква слика направив, се додека не дојдов дома да ги средувам фотографиите“, вели тој.
Обан фотографијата ја објави на сајтот „Reddit“, па корисниците на сајтот, овој елен веднаш го поврзаа со лик од серија на Netflix, Боџет Хорсмен, на кого му е непријатно поради тоа што во вестите постојано се користи фотографија од него како кива.
Многу корисници на овој сајт истакнаа дека Обан треба да ја заштити фотографијата со авторски права, бидејќи успеал да фотографира „нешто што ниту еден фотограф досега нема успеано“.