Обврската за работа од дома, онаму каде што е можно, стапи на сила на 20 ноември.
Со цел да се спречи четвртиот бран на пандемијата на корона вирусот, белгиските власти донесоа одлука за задолжителна работа од дома четири дена во неделата. Досега во Белгија имаше само препорака за работа од дома, со цел за да се намали преносот на вирусот меѓу вработените.
Обврската за работа од дома, каде што е можно, стапи на сила на 20 ноември.
„Целта на оваа мерка е да се ограничи инфекцијата на работното место, како и во јавниот транспорт“, рекоа белгиските власти, кои повикаа на максимално физичко растојание меѓу луѓето и да се ограничат контактите, особено во затворени простории.
Ковид пропусниците потребни за влез во белгиските барови, ресторани и настани со повеќе од 50 луѓе во затворени простории или 100 луѓе на отворено, сега ќе бидат придружени со задолжително носење заштитни маски.
Повеќе од 10.000 нови случаи дневно
На седницата на Советодавниот комитет беше донесена одлука за обврска за носење заштитни маски на сите затворени јавни простори и јавниот превоз за сите лица постари од 10 години.
„Девет од десет граѓани се вакцинирани и тоа е причината поради која не сме повторно во полициски час“, изјави премиерот на Белгија, Александар де Кро.
Во изминатата недела, Белгија бележи просечно повеќе од 10.000 нови инфекции на дневна основа, што е за речиси 30 проценти повеќе отколку на почетокот на ноември.
Повеќе од 230 луѓе дневно се примени во болниците, а во просек 26 луѓе умираат секој ден како последица на инфекција со коронавирус.