Во последните 24 часа во Србија се направени 7.872 тестирања, а регистрирани се 289 нови случаи. Шест лица починаа од COVID-19, а на респиратор се 93 луѓе, пишува Blic.
Со оглед на тоа дека болниците во Белград се полни, најголемата спортско-концертна сала „Штарк арена“ е претворена во привремена болница за пациентите со COVID-19. Денеска се примаат првите пациенти со полесна клиничка слика.
Граѓаните на Србија не веруваат во официјалните бројки за новозаболени и смртни случаи од коронавирус.
63 проценти од испитаниците велат дека не веруваат на официјалните информации кои доаѓаат од надлежните институции.
79 проценти од граѓаните се изјасниле дека се загрижени поради ширењето на вирусот, што е за 9 проценти повеќе во однос на минатиот месец, според истражувањето на агенцијата Валикон.
44 проценти од граѓаните сметаат дека мерките за заштита од коронавирус се недоволни, а 74 отсто од испитаниците сметаат дека ситуацијата ќе се влоши.
Стравот од корона-кризата е присутен кај секој втор испитаник, а 70% од луѓето се изјасниле дека најмногу се плашат за своите најблиски.