Бен Афлек го коментираше пропаднатиот брак со актерката Џенифер Гарнер. Тој изјави дека нивниот брак не функционирал, а ако останал со неа најверојатно ќе имал проблеми со алкохолот.
„Ја сакам и ја почитувам, но не можев да продолжам да бидам во брак со неа. Веројатно и понатаму би пиел многу, а почнав да пијам затоа што се чувствував како да сум заробен“, рече Бен Афлек.
Актерот(49) имаше проблеми со алкохолот и во 2018 година замина на лекување.
„Не можев да си заминам поради децата, а не бев среќен. Што требаше да направам? Пиев шише виски и заспивав на креветот, а тоа не беше решение на проблемот“, вели Афлек.
Со Џенифер Гарнер(49) беа во брак од 2005 до 2018 година и сакаа да го спасат бракот поради нивните три деца.
„Се обидувавме поради децата, но и двајцата чувствуваме дека не сакаме да мислат дека така треба да изгледа бракот. Ни требаше време, но потоа донесовме одлука и се разведовме“, истакна Афлек.
Од пролет оваа година Бен е во врска со Џенифер Лопес(52) со која беше верен пред да ја запознае Гарнер.
