Џенифер Лопес и Бен Афлек имаа прилично јавна расправија на премиерата на нејзиниот нов филм The Mother.
Двојката, откако позираа и се бакнаа на црвениот тепих, беа видени во низа тензични разговори и гестикулации.
Пејачката со намуртено лице му гестикулираше на сопругот, додека тој изгледаше бесно. Тие правеа гримаси и мавтаа со рацете.
Откако беа снимени за време на напнатиот разговор, тие набрзо се вратија на своите „улоги“ со блескави насмевки и бакнежи за јавноста.
Ова не беше првпат Афлек со неговото однесување да ја посрамоти Џеј Ло. Нивната расправија на премиерата следеше откако парот стана најзборуваната тема на доделувањето на наградите Греми во февруари бидејќи Афлек изгледаше како да сака да биде каде било само не на свеченоста со сопругата.
Во The Mother, Лопес ја игра главната улога на поранешен убиец, која е принудена да се врати на работа за да ја заштити својата отуѓена ќерка.